18:12 Dunyoda eng yaxshi havo qaysi davlatda ekani ma`lum bo'ldi | |
Finlyandiyada dunyo bo'yicha eng yaxshi havo sifati mavjud. Bu haqda Finlyandiyaning Meteorologiya instituti Jahon sog'liqni saqlash tashkiloti tomonidan o'tkazilgan tadqiqot natijalariga asosan xabar bermoqda. "Kichik zarrachalar to'planishi – havoni ifloslantiruvchi moddalar Finlyandiyada o'rtacha bir kub metrga 6 mikrogrammni tashkil etadi, bu boshqa davlatlar bilan taqqoslaganda eng past ko'rsatkich sanaladi", - deyiladi institut xabarida. JSST 2008-2016 yillar davomida deyarli yuzta davlatdagi 2,5 ming aholi punktida havo sifati tahlilini o'tkazganidan so'ng o'z ma`lumotlarini e`lon qildi. Finlyandiyada ushbu tajribada 11 shahar va Meteorologik institutning ikkita o'lchov stansiyasi ishtirok etdi. Ro'yxat oxiridan Yaqin va Uzoq Sharq, shuningdek Afrika davlatlari joy oldi – u yerda ifloslantiruvchi moddalar zichligi – turli zararli moddalarga ega changlar – Finlyandiyadan 10 va undan ko'proq martaga ortiq. Shu bilan birga, Finlyandiyaga havo sifati darajasi bo'yicha Estoniya, Shvetsiya, Kanada, Norvegiya, Islandiya ancha yaqin. | |
|
Всего комментариев: 0 | |